Skip to content
  • اتصل بنا للطلب: 01091276489(2+)

  • الدفع عند الإستلام

  • التوصيل خلال 5 أيام عمل

  • التوصيل مجاناً للطلبات أكثر من 500 جنيه في القاهرة والجيزة والإسكندرية و950 جنيه لجميع المحافظات

  • التوصيل مجاناً للطلبات أكثر من 500 جنيه في القاهرة والجيزة والإسكندرية و950 جنيه لجميع المحافظات

٦ نصايح هتساعدك في الحفاظ على اللبس | Grandyhome

٦ نصايح هتساعدك في الحفاظ على اللبس

عمرك رحتي عملتي شوبنج وصرفتي فلوس كتير قوي وبعد كدة بوظتي لبسك علشان مشكلة في الغسيل؟ انا كان بيحصلي ده كتير قوي وضيّعت فلوس كتير لحد ماعرفت كذا طريقة احافظ بيها عليها.


دي شوية افكار هتقدري تخلي لبسك يعيش معاكي سنين بسببها، وكمان هتساعدك في ترتيب البيت:

متغسليش لبسك بزيادة

ناس كتير فاكرة ان كل مرة اللبس بيستخدم فيها لازم يتغسل. بس المشكلة هنا ان دة بيقلل من عمر الخامة. طبعا لو اللبس اتوسخ او عرقتي فيه ده موضوع تاني بس معظم اللبس بإستثناء الشربات والهدوم الداخلية ممكت تتلبس من 2 ل 5 مرات زي البنطلون الجينز مثلا. 

مشكلة الغسيل الكتير انه بيخلي الالوان تروح والقماشة تدبل فلو مهتمة بعمر لبسك، انصحك بأنك تفكري مرتين قبل ماتغسلية بدون داعي.

جمعي اللبس في مكان واحد

ولادنا كلهم عندهم الكرسي اللي بيحطوا علية لبسهم بدل ما يجمعوها في سلة او شنطة غسيل، ده طبعا علي احسن تقدير، ناس تانية بترمي لبسها على الارض. فبدل ما تلمي اللبس من كل شبر في شقتك، اشتري شنطة غسيل من جراندي هوم وخليهم يجمعوا اللبس في مكان واحد.


خلي معاكي وايبس (مناديل مبللة)

غريبة شوية عارفة بس دي من اسرع واسهل الطرق اللي ممكن تشيلي بيها البقع فى الحال من غير ما تضطري تمشي ببقعة صلصة مكرونة في الشارع. حتى لو ماراحتش بالكامل على الاقل هتبقى اسهل في تنظيفها لما تروحي.



اقرأي الإرشادات اللي علي اللبس

هي معمولة علشان تساعدك صدقيني مش بيحاولوا ينصبوا عليكي. لو مكتوب غسيل جاف اسمعي كلامهم وبلاش تصتنصحي. او وديهم للمكوجي هو عارف هو بيعمل ايه او بردة وديهم لماما هي عارف برده هي بتعمل ايه بس ماتستغربيش لما بلوزتك المفضلة تصغر درجتين علشان غسلتيها على 800 لفة وهي ماتستحملش اكتر من 300.

ومناسبة المكوجي احرصي دائما على تخزين لبسك في شنطة بتحمي من التراب بعد الكوي لو مش هتستخدميها على طول.


اقلبي اللبس الغامق قبل الغسل

واستخدمي معاه سوفتنر للغسيل علشان يقلل احتكاك اللبس بالمسحوق وبالتالي بيطول من عمره.

بردة اقرأي  الإرشادات اللي علي المكواة

بطبيعة الحال مش كل الخامات زي بعض يعني اللي القطن هيستحملة مش هيستحملة الكتان او الصوف. لازم بردة تعملي حسابك ان المكواة يكون نوعها كويس والستيل بتاعها مابيلزقش وانا شخصيا من تجربتي بحب استخدم منتجات بلاك اند ديكر علشان واثقة فيها.
المقالة التالية ٤ نصائح لترتيب ثلاجتك