Skip to content
  • اتصل بنا للطلب: 01091276489(2+)

  • الدفع عند الإستلام

  • التوصيل خلال 5 أيام عمل

  • التوصيل مجاناً للطلبات أكثر من 500 جنيه في القاهرة والجيزة والإسكندرية و950 جنيه لجميع المحافظات

  • التوصيل مجاناً للطلبات أكثر من 500 جنيه في القاهرة والجيزة والإسكندرية و950 جنيه لجميع المحافظات

٤ نصائح لترتيب ثلاجتك | Grandyhome

٤ نصائح لترتيب ثلاجتك

مبعرفش اطبخ والمطبخ محتاج تنضيف. لو الرخامة مش بتبرق، والبوتجاز بيلمع و الثلاجة مترتبة وجاهزة للإسبوع مبقدرش حتي ابدأ في تجهيز لوحة التقطيع بس من خلال خبرتي في تجهيز المطبخ والجري كل يوم علشان اساعد ولادي، اتعلمت ازاي اعرف اظبط حياتي من خلال تظبيطي لوقتي.

بس في حاجة واحدة بتحتاج عناية اكتر من اي حاجة تانية، الثلاجة. زي اي ثلاجة ام مصرية، ثلاجتي عبارة عن دورة مابتنتهيش من منتجات الألبان، الخضار الطازة، اللحوم وطبعا اكتر حاجة بواقي الاكل و برطمانات ماعرفش بقالها قد ايه عندي ما تصلحش للأكل بس بسبب كل دة وحرصي على التنظيف باستمرار قدرت اتعلم كام حركة ممكن انتي كمان تظبطى بيها ثلاجتك.

جربي تكتبي علي علب حفظ الاكل تاريخ طبخها

بجد لو مجربتيش الطريق دي لحد دلوقتي فلازم تجربيها. سواء كنتي هتحطي بواقي اكل في علبة زي لوك اند لوك من جراندي هوم او في كيس قابل لإعادة الغلق، اكتبي الاسم والتاريخ عليها. بكدة هتقدري تعرفي ايه الاكل اللي عاش في ثلاجتك اكتر وبالتالي ايه اللي لازم تاكليه الاول واللي خلص ولازم يكون على قائمة السوبر ماركت الجاية.

مش كل الفاكهة والخضار تتحط في سلة واحدة

معظمنا بيحط كل الخضار والفاكهة في اخر رف في الثلاجة زي ما بييجي في ارشادات الثلاجة بس اللي منعرفوش ان بعض الاكل بيحتوي علي مادة الإثيلين واللي بتخلي الخضار يتحلل اسرع علي سبيل المثال التفاح، المانجة والكيوي. من ضمن المنتجات اللي حساسة بشكل كبير لمادة الإثيلين الجزر، البروكلي، الباذنجان والخيار.

خّزني منتجاتك بشكل أفضل

في منتجات كتير بنكون فاكرين انها ينفع تتخزن على الرف وبعدها بنندم، اقصد هنا البيض، اللبن، الكريمة، الزبادي وحتى الكاتشب والمستردة. المنتجات دي مكانها جوة الثلاجة، يعني اول صف، تاني صف لكن مش باب الثلاجة اللي مع كتر الفتح والقفل بيعرضها انها تفسد أسرع.

كذلك الليمون ممكن تخليه يعيش معاكي حوالي شهر لو خزنتية في الثلاجة في كيس فية شوية مياه.

اللحمة والسمك مكانهم اخر رف

علشان اخر رف في الثلاجة بيكون اسقع رف. تقدري برضة تحطيهم في فويل علشان تمدي من عمرهم الافتراضي بس في كل الاحوال لو دخلوا الثلاجة لازم تطبخيهم خلال 4 ايام بحد اقصى.

المقالة السابقة ٦ نصايح هتساعدك في الحفاظ على اللبس