Skip to content
  • اتصل بنا للطلب: 01091276489(2+)

  • الدفع عند الإستلام

  • التوصيل خلال 5 أيام عمل

  • التوصيل مجاناً للطلبات أكثر من 650 جنيه في القاهرة والجيزة والإسكندرية و1100 جنيه لجميع المحافظات

  • التوصيل مجاناً للطلبات أكثر من 650 جنيه في القاهرة والجيزة والإسكندرية و1100 جنيه لجميع المحافظات

٦ طرق لترتيب لعب اولادك

٦ طرق لترتيب لعب اولادك

٦ طرق لترتيب لعب اولادك

من أكثر التحديات اللي بتواجهني في يومي اني انضف لعب اولادي. لو هم رفضوا انهم ينضفوها ودة دائما اللي بيحصل فدة معناة اني هقعد كل يوم بعد ما هم يناموا احاول اعرف كل قطعة ليجو مكانها فين علشان ما دوسش عليها تاني يوم الصبح بالغلط.

 اكيد في طريقة احسن من كل ده- هو فعلا في.

لازم تاخدي بالك ان المكان اللي بيلعب فيه الأطفال بيكون أشبه بمقلب لعب بس لو انتي حاطة قواعد للعب والتنضيف لأولادك هم بنفسهم هيحبوا انهم ينظفوا مكانهم وهيكون كمان حافز ليهم. 

اية رأيك تسمعي كلامي وتتبعي النصايح دي:


1- نظفي اللعب أول بأول

اكيد بتجيبي لأولادك لعب كتير بس اسألي نفسك هي اللعب دة كلها فعلا بيستخدموها؟ مهما كان  ابنك بيحب اللعب دى لو مبيستخدمهاش فدة وقت انك تتخلصي منها-دة وقت الوداع. طبعا لو اللعب لسة حالتها تسمح اكيد بنصحك انك تتبرعي بيهم.


2- استخدمي صناديق لرص اللعب

دي واحدة من أسهل الطرق في لم اللعب في مكان واحد ومش هياخد منك اي وقت في تجميعة دة غير ان مفيش طفل مش هيعرف يتعامل معاه علشان كل اللي هيعمله انه هيشيل لعبة من على الأرض وهيحطها في الصندوق. هاتي لأولادك صندوق للعب من هنا

3- ارمي الصناديق بتاعتها

الصناديق ممكن تكون مساحتها 4 أضعاف اللعبة نفسها وعمرك ما هتستخدميها تاني. لو في ارشادات احتفظي بيها علي جنب في درج مخصوص لكن غير كدة مافيش اي داعي للزحمة.

4- الحيطة مكان كويس كمان للتخزين

هتحتاجي بس انك تعلقي كذا رف في حيطة الأولاد الاول وبعد كده ابدأي في تنظيم اللعب حسب النوع او الحجم على كل رف. غير أنها بتنظملك الاوضة هي كمان، بيكون شكلها جزء من الديكور.


5- اكتبي نوع اللعبة على العلب البلاستيك

دي بردة طريقة مضمونة انه يلاقي اللعبة اللي بيدور عليها بسهولة. لو لسة ما بيعرفش يقرأ استخدمي ألوان للتفريق بين العلب اسهل. جمعي بردة الاحجام المتشابهة في نفس الصندوق او اللعب اللي من نفس النوع زي مثلا صندوق للليجو، صندوق للعب البلاستيك، صندوق للبازل وصندوق لأي جهاز إلكتروني. 


6- استخدمي الجزامة

مقصدش الجزامة الخشب الكبيرة اللي متعارف عليها انا اقصد الجزامة المودرن الجديدة اللي بتتعلق علي الحيطة وبتكون عبارة عن صناديق صغيرة ممكن تحط في كل صندوق منهم جزمة. بس طبعا بدل ماتحطّي الجزمة حطّي اللعب


وانتي بتفكري في طريقة لتنظيم اللعب لازم تستخدمي طريقة انتي عارفة ان اولادك هيستخدموها. الاطفال الصغيرين محتاجين حلول بسيطة لكن كل ما هيكبروا وقدراتهم هتتطور كل  ما نوع اللعب هيتغير وبالتالي كمان طريقة التنظيم.

المقالة السابقة إرشادات العناية و الإستخدام لمنتجات أواني الطهي ايه-ام-تي
المقالة التالية ٦ نصايح هتساعدك في الحفاظ على اللبس

اترك تعليق

يتم مراجعات التعليقات قبل نشرها

يجب ملئ هذا المحتوى